तरुण युवक जागीच ठार
कापूरहोळ
नसरापूर वेल्हा मार्गांवर दीडघर तालुका भोर गावचे हद्दीत अज्ञात वाहणाचे धडकेत ४३ वर्षीय युवक जागीच ठार झाला असून या बाबत राजगड पोलिसात अज्ञात वाहनचालका वोरोधात गुन्हा नोंद करण्यात आला आहे.
राजगड पोलिसांनी दिलेल्या माहिती नुसार, दिनांक- 10/11/2025 रोजी रात्री 09.30 वा ते दिनांक 11/11/2025 रोजी सकाळी 10.00 वाचे दरम्यान मौजे दिडघर, ता. भोर जि. पुणे येथे नसरापूर ते वेल्हा जाणा-या दिडघर ते माळेगाव शिवजवळ डांबरी रोडचेकडेला कॉर्नरला डाव्या बाजूस शाईन मोटारसायकल क. एम एच 12 एल एन 5744 वरुन घरी जात असताना अज्ञात वाहनावरील अज्ञात चालकाने भरधाव वेगात दुचाकीला धडक देवुन अपघात केला.
अपघातामध्ये दुचाकी चालक संतोष बापुसाहेब लोळे, वय 43 वर्षे, रा. सांगवी ब्रु, पोस्ट आंबवणे, ता. भोर, जि. पुणे हे गंभीर जखमी होऊन त्याचा मृत्यु झाला. अपघाताची खबर न देताच वाहन चालक पळून गेला म्हणुन गोविंद बाजीराव लोळे यांनी अज्ञात वाहनावरील अज्ञात चालकाविरुध्द राजगड पोलिसांत तक्रार दिली असून अधिकचा तपास राजगड पोलीस करीत आहेत.
