तांब्याच्या तारांची चोरी, अज्ञात चोरटे पसार
कापूरहोळ
पुणे सातारा महामार्गांवर कापूरहोळ ता. भोर येथे अज्ञात चोरट्यांनी रात्रीच्या अंधारात वीज वितरण कपंनीचा ट्रान्सफॉर्मर फोडून त्यातील सुमारे रू ३२००० किमतीच्या ८० किलो तांब्याच्या वायरची चोरी केल्याची घटना उघडकीस आली आहे.
राजगड पोलिसांनी दिलेल्या माहिती नुसार,. दि.५ नोव्हेंबर रोजी सायंकाळी ६.०० वाजेपासून ते ६ नोव्हेंबर रोजी सकाळी १०.०० वाजेपर्यंत कापूरहोळ येथील राजयोग कॉम्प्लेक्सच्या मागे ओढ्याच्या कडेला उभारलेल्या विजेच्या पोलवरील ट्रान्सफॉर्मर अज्ञात चोरट्यांनी खाली पाडून त्यातील तेल सांडले आणि ट्रान्सफॉर्मरमधील तांब्याचे तारेचे वायडिंग अज्ञात चोरट्यानी चोरून नेले आहे.
या बाबत संजय उत्तम गोरड यांनी राजगड पोलिसांत तक्रार दिली असून अधिकचा तपास पोलीस करीत आहेत.
