भोंगवली- कामथडी गटातून महादेव सोनवणे निवडणूक रिंगणात
भाजपा अधिकृत उमेदवारी देणार दृढ विश्वास
कापूरहोळ
आगामी जिल्हा परिषद निवडणुकीच्या पार्श्वभूमीवर भोंगवली–कामथडी गटातून राजगड साखर कारखाना संचालक आणि प्रसिद्ध उद्योजक किसनराव सोनवणे (के . डी. भाऊ )यांचे चिरंजीव महादेव सोनवणे यांनी निवडणुकीसाठी दंड थोपटले असून ते जिल्हा परिषद निवडणूक लढणार असल्याचे स्पष्ट संकेत दिले असून आता कोणत्याही परस्थितीत माघार घेणार नाही. भाजपाकडे उमेदवाऱीसाठी मागनी केली आहे.
गेली महिनाभर मतदार संघात कार्यकर्ते, जेष्ठ प्रतिनिधी, पहिल्या व दुसऱ्या फळी तील कार्यकर्ते तसेच मतदार यांच्याशी गावोगावी जाऊन गाठी भेटीवर भर दिला आहे. मतदार संघात सोनावणे यांच्या नावाची जोरदार चर्चा सुरु आहे.गटात प्रचाराची एक फेरी पूर्ण केली आहे.
राजतोरण न्युज शी बोलताना भाऊ ,म्हणाले कि, मी अनेकदा राजकारणात इतर कार्यकर्तेसाठी त्याग केला आहे.यावेळी निवडणूक लढवण्यावर ठाम आहे.गेली ४० वर्षे थोपटें यांच्या सोबत निष्ठेने कामकारत आहे. “निवडणुकीची प्रक्रिया पुढील महिन्यात म्हणजेच डिसेंबरच्या बारा-तेरा तारखेच्या सुमारास सुरु होईल. या निवडणुकीत माझा मुलगा महादेव किसनराव सोनवणे याला उमेदवार म्हणून उभं करायचा निर्णय घेतला आहे. कार्यकर्त्यांचा आणि मतदारांचा प्रचंड पाठिंबा मिळत आहे. रोजगारासाठी बाहेर गावी गेलेल्या मतदारांशी संपर्कात आहे. त्यांनी दूरध्वनीवरून, सोशल मीडियाद्वारे पाठिंबा दर्शवला आहे. प्रत्येक ठिकाणी लोक एकच मागणी करत आहेत ‘भाऊ, तुमच्या मुलाला उभं करा, आम्ही सगळे सोबत आहोत.
सोनवणे यांनी पुढे स्पष्ट केले की, “भाजपचे वरिष्ठ नेते माजी आमदार संग्राम थोपटे जिवन कोंडे, बाळासाहेब गरुड, संतोष धावले यांच्या मार्गदर्शनाखाली आम्ही कार्यरत आहोत. आम्ही पक्षाच्या वरिष्ठांकडे अधिकृत उमेदवाऱी मागणी केली आहे. पक्षाने संधी दिल्यास आम्ही प्रामाणिकपणे आणि जनतेच्या विश्वासावर ही निवडणूक लढवून जिंकून दाखवू."भाजपा आम्हालाच अधिकृत उमेदवारी देईल असा ठाम विश्वास व्यक्त केला.
