सत्तेसाठी आजी माजी निवडणूकीच्या आखाड्यात
भोर तालुक्यातील पुर्व भागात राजकीय समीकरण बदलणार ?
राजकीय अस्तित्वाची लढाई
भोर तालुक्यातील चार जिल्हा परिषद गटाचे आरक्षण सोमवार दि. १३ रोजी जाहीर होताच गेली अनेक दिवस आरक्षणासाठी थांबलेले उमेदवार लागलीच कामाला लागले आहेत. भोर तालुक्यात सर्वात राजकीय आखाडा म्हणून लक्ष लागलेला हा गट राजकीय असतीत्वासाठी केंदीत असुण आजी माजी सदस्य उमेदवार यावेळी आपले नशीब अजमावणार आहेत. भावी उमेदवारांनी गटात गावोगावी बैंठकांचा सपाटा सुरू केला आहे. समर्थकांच्या गाठी भेटी घेऊन प्रचाराची दिशा ठरविण्यासाठी आणि आपली ताकाद अजमावण्यात दंग आहे.
सत्तेच्या तीन पक्षांमध्येच नव्हे तर त्या त्या पक्षांतर्गत गटांमध्ये कोण बाजी मारणार यावरून चुरस सुरु झाली आहे. राष्ट्रवादी (अजित पवार गट) मध्ये माजी सदस्य चंद्रकांत बाठे आणि विकम खुटवड यांच्यात चढाओढ सुरू आहे. राजकीय डावपेचात विक्रम खुटवड यांचे बालेकिल्याची मताधिक्याची काही गावे या गटातून वगळल्यामुळे त्यांना भोंगवली कामथडी गटातून उमेदवारी मिळणार का याच्यासा ठी त्यांचे कार्यकर्ते व खुटवड प्रयन्नशील आहेत. यदा कदाचीत या दोघपैकी एकाला पक्षाने तिकीट दिल्यास दुसरा इतर पक्षात पक्ष प्रवेश करून लढणार का ? या चर्चेला उधान आले आहे. या दोघांचे समर्थक आपल्या नेत्याची बाजू वरचढ असल्याचे दाखवत आहेत. तर काँग्रेस आय सोडून भाजपमध्ये प्रवेश केलेले महेश टापरे यांनी गाव पातळीवर मोर्चेवांधानीला सुरुवात केली आहे. शिवसेनेचे कुलदीप कोंडे यांचा जुना गट विभागल्यामुळे मताधिक्याचा अर्धा गट हा वेळू नसरापूर मध्ये आहे. मात्र वेळू नसरापूर गट इतर मार्गास प्रवर्गासाठी जाहीर झाल्यामुळे कुलदीप कोंडे भोंगवली कामथडी गटातून उभे रहाणार का हा प्रश्न आहे.अदयाप तरी भोंगवली कामथडी गटातून कोंडे सोडून इतर नाव चर्चेत नाही.
तर मागील निवडणूकीत पराभूत झालेले चंदूभैय्या परदेशी हे इतर मार्गास प्रवर्गातून पुन्हा वेळू नसरापूर गटातून निवडणूक लढणार का त्यांच्या भूमीकेकडे सर्वाचे लक्ष लागून राहीले आहे.
गेली दोन दशके पत्रकार क्षेत्रात नावाजलेले वैभव धाडवे पाटील यांनी आपली उमेदवारी जाहीर केलीआहे. ते कोणत्या पक्षातून लढणार हे अदयाप गुलदस्त्यात आहे. गेली दोन दशके समाजाशी त्यांची सखोल नाळ जोडली असून तरूण युवक त्यांच्या पाठीशी आहे. सामाजीक,राजकीय,शैक्षणीक किडा क्षेत्रांशी निगडीत असलेले नेतृत्व म्हणून त्यांचेकडे समाज पहात आहे.
या गटातील तरूणांची बेरोजगारी,नागरी सुविधा, तसेच परिसरातील औदयोगीक कारखान्यातील कामगारांच्या समस्या सोडविण्यासाठी पुढाकार घेवून गटात रोजगार निर्मीती, रस्ते पाणी, लाईट या मुलभूत समस्यांबाबत कायम आवाज उठविला आहे.त्यामुळे या भागातील तरुण त्याच्या पाठीशी ठाम उभा आहे.
वरीष्ठ पातळीवरील सर्व पक्षाच्या राजकीय कुरघोड्याला आणि आवो जावो घर तुम्हारा त्यामुळे पक्षाच्या विचाराची पायमल्ली झाली आहे. पक्षीय राजकारणावर नागरीकांचा विश्वास राहीला नसून गेली काही दशके तेच ते चेहरे तीच ती घरानी, जाती पातीचे आणि त्यांचे भोवतालचे चांडाळचौकडीचे राजकारण याला जनता कंटाळली आहे. त्यामुळे होवू घातलेली निवडणूक व्यक्ती विचारांच्या प्रभावावरच ठरणार आहे. असे राजकीय जानकरांचे मत आहे.
नविन चेह-याला संधी देण्यासाठी तरूण युवकांनी कंबर कसली आहे.त्यामुळे नवीन राजकीय तरुण युवक कोण पुढे येणार हे येणारा काळच ठरवेल.
