भोर नगर पालिकेत निवडणुकीचे वातावरण चांगलेच तापले असून राष्ट्रवादी आणि भाजपने पूर्ण ताकद पणाली लावली आहे. विकासाकडे वाटचाल आणि , शहरातील विविध समस्या सोडविण्यास कटिबद्ध असणारे उमेदवार निवडून देण्याचे आव्हान मतदारांपुढे असणार आहे.उपमुख्यमंत्री अजित पवार यांच्या उपस्थितीत ही सभा भोर मधील विकासाची नवी गती देईल असे स्थानिक राजकीय विश्लेषक मानतात. रविवार ३० नोव्हेंबर २०२५ रोजी सकाळी ९:३० वाजता भोर नगरपालिका शाळा मैदानावर भोर पोलीस स्टेशन समोर ही सभा होणार आहे. महाराष्ट्र राज्याचे उपमुख्यमंत्री व पुणे जिल्ह्याचे पालक मंत्री अजितदादा पवार यांची भोर नगरपालिका निवडणूक प्रचारा निमित्त जाहीर सभेचे आयोजन करण्यात आले आहे. नगरपालिकेच्या भविष्यासाठी ही सभा अत्यंत महत्वाची ठरणार असून दादा काय बोलणार याकडे सर्वांचे लक्ष लागले आहे. या निवडणुकीत २० उमेदवार नगरपरिषद सदस्य पदासाठी आणि १ उमेदवार नगराध्यक्ष पदासाठी असून प्रचार शिगेला पोहचला आहे. अजित पवार यांच्या उपस्थितीत होणाऱ्या या जाहीर सभेमुळे स्थानिक राजकारणाला नवीन दिशा मिळण्याची अपेक्षा आहे. निवडणूक प्रचारात महत्त्वाचा टप्पा म्हणून या सभेला कार्यकर्ते आणि नागरिक मोठ्या संख्येने उपस्थित राहणार आहेत.
