केशव पवळे यांना 'पद्मभूषण डॉ. कर्मवीर भाऊराव पाटील गौरव पुरस्कार' प्रदान
कापूरहोळ
भोर (पुणे) येथील राजा रघुनाथराव विद्यालयाचे प्रयोगशाळा सहाय्यक, विज्ञानशिक्षक केशव टी. पवळे यांना त्यांच्या उल्लेखनीय शैक्षणिक व सामाजिक कार्याबद्दल 'पद्मभूषण डॉ. कर्मवीर भाऊराव पाटील गौरव पुरस्कारा'ने सन्मानित करण्यात आले.
सेकेंडरी स्कूलस एम्पलाईज को. ऑ. क्रेडीट सोसायटी लि. मुंबई च्या सुवर्ण महोत्सवाच्या निमित्ताने हा गौरव समारंभ आयोजित करण्यात आला होता.
मुंबई ( मुलुंड ) येथील दि १ नोव्हेंबर रोजी कालिदास नाट्यगृहात झालेल्या या समारंभात श्री. पवळे यांना सन्मान चिन्ह, सन्मान पत्र, ₹ २०००/- (दोन हजार रुपये) रोख रक्कम आणि शाल श्रीफळ प्रदान करण्यात आले .
सोहळ्यातील प्रमुख उपस्थिती
यावेळी सहकार भारतीचे संस्थापक सतिश मराठे, आमदार मिहीर कोटेचा, श्रीकांत भारतीय, विक्रांत पाटील, तसेच मा. आमदार संजय जगताप यांची प्रमुख पाहुणे म्हणून उपस्थित होते. सोसायटीचे अध्यक्ष चंद्रकांत पाटील, उपाध्यक्ष सुधाकर जगदाळे, सचिव किशोर पाटील, महाराष्ट्र राज्य मुख्याध्यापक संघाचे सचिव नंदकुमार सागर, शिक्षकेतर संघटनेचे राज्य कार्यवाह शिवाजी खांडेकर आणि सर्व संचालक मंडळाने कार्यक्रमाचे आयोजन केले होते.
यावेळी बोलताना सोसायटीचे अध्यक्ष चंद्रकांत पाटील यांनी संस्थेच्या सभासदांसाठी एक कोटी कर्ज योजना, कॅशलेश विमा सुविधा आणि पर्यटक सुविधा यांसारख्या विषयांवर माहिती दिली.
केशव पवळे यांच्या या महत्वपूर्ण गौरवासाठी भोर एज्युकेशन सोसायटीचे अध्यक्ष राजेश राजे पंतसचिव, चेअरमन प्रमोद गुजर, व्हा-चेअरमन ॲड. मुकूंद तांबेकर, सचिव डॉ. सुरेश गोरेगावकर, जेष्ठ संचालक सुरेश शाह, डॉ. प्रदिप पाटील, डॉ. आण्णासाहेब बिराजदार, शशिकांत कंक, दत्ता मोरे आणि सर्व संचालक मंडळ यांनी त्यांचे अभिनंदन केले. तसेच, विद्यालयाचे मुख्याध्यापक लक्ष्मण भांगे, पर्यवेक्षक निलीमा मोरे, विश्वास निकम यांच्यासह शिक्षक आणि शिक्षकेतर कर्मचाऱ्यांनीही पवळे यांना शुभेच्छा देऊन अभिनंदन केले.
