कापूरहोळ
पुणे सातारा महामार्गावरील वेळू (ता. भोर) येथील सुबोधन इंजिनिअर्स प्रायव्हेट लिमिटेड या कंपनीत दिवाळी सुट्ट्याचा फायदा घेत अज्ञात चोरट्यांनी ४ लाख ४२ हजार ८६ रुपयांचा इलेक्ट्रॉनिक्स माल चोरून नेहला. या बाबत अभिजित राजेंद्र हर्षे (वय ३५, मूळ रा. कोल्हापूर, सध्या रा. वडगाव बुद्रुक, पुणे) यांनी राजगड पोलिस ठाण्यात अज्ञात चोरट्या विरोधात फिर्याद दिली आहे.
पोलिसांनी दिलेल्या माहितीनुसार, दि. २१ ऑक्टोबर सकाळी ११.३० ते दि. २२ ऑक्टोबर रोजी सकाळी ११ च्या दरम्यान सुबोधन इंजिनिअर्स प्रायव्हेट लिमिटेड कंपनी बंद असताना अज्ञात चोरट्याने शटरचे कुलूप कापून आत प्रवेश केला आणि ४०० किलो वजनाच्या २ लाख ७हजार ९८४ रूपये किंमतीच्या अॅल्युमिनियम पट्टया, २ लाख ९ हजार १०२ रूपये किंमतीच्या कॉपर वायरचे २० बंडल, २५ हजार रुपये किंमतीचे कॉपर लग्सचे १००० नग असे एकूण ४ लाख ४२ हजार ८६ रुपये किंमतीच्या अॅल्युमिनियम पट्टया, कॉपर वायर, कॉपर लग्स माल घेऊन पसार झाले.
या प्रकरणी राजगड पोलीस ठाण्यात अज्ञात चोरट्यांविरोधात गुन्हा दाखल करण्यात आला असून पुढील तपास सहाय्यक पोलीस निरीक्षक तुकाराम राठोड करत आहेत.
